Վարդապետական Աստիճանի տուչութիւն

2016 Mar 07


Երեքշաբթի 1 մարտ 2016-ի երեկոյեան ժամը 7-ին, Հռոմի Լեւոնեան քահանայապետական հայ վարժարանի եկեղեցւոյ մէջ, երեկոյեան ժամերգութենէն ետք, Տանն Կիլիկիոյ Կաթողիկէ Հայոց Ամենապատիւ եւ Գերերջանիկ Գրիգոր Պետրոս Ի. Կաթողիկոս Պատրիարքը հայրապետական կոնդակով եւ յատուկ արարողութեան մը ընթացքին, «Ծայրագոյն Վարդապետի աստիճան եւ միանգամայն լանջախաչ ու վարդապետական գաւազան կրելու» իրաւունք շնորհեց վարժարանի  մեծաւոր` հայր Նարեկ Նաամոյեանին: Արարողութեան ներկայ էին հայ կաթողիկէ նուիրապետութեան սիւնհոդոսական հայրերը, վարժարանի ժառանգաւորները եւ հաւատացեալներ։